Dia 23 di yüli 1986, e Komishon Internashonal di Bayena (IWC) a proklamá e dia ei komo Dia Mundial Kontra Kaptura di Bayenan, ku awe ta konosí komo Dia Mundial di Bayena i Dòlfein, ku e proposito pa stòp kaptura di e animalnan bunita aki ku ta den peliger di ekstinshon. Sinembargo, aunke hopi aña a pasa, i ainda tin hopi pais ku ta persisti den kaptura di e mamíferonan akuatico aki i loke ta pió, nan no parse di ta preokupá.
En realidat, e problema ta sintá den e hecho ku tin un kantidat igual di pais dentro di IWC, ku ta pro i kontra e kapturamentu di e ehemplarnan aki, p’esei nunka a yega na un akuerdo formal riba e asuntu.
Un otro detaye importante ta ku e paisnan ku ta kapturá bayena ta sigurá ku nan ta hasi esaki pa metanan sientífiko i no komersial, apesar di e hecho ku tin hopi video for di Hapon ku ta mustra e masakrenan realisá riba skolnan di bayena i dolfein.
E problema ku piskamentu di bayena no ta nobo. En realidat, a hasi e promé intentonan pa kontrolá piskamentu di bayena for di promé ku Segundo Guera Mundial, ora ku e propio kapturadónan a realisa ku e kantidat di bayena tabata bahando rápidamente, lokual tabata pone nan negoshi na peliger.
E tempu ei a desaroyá sierto dokumento riba e asuntu, pero tabata te na 1972 na e Konferensia di Nashonnan Uni riba Medio Ambiente Humano ku a aprobá e promé moratorio di dies aña, kaminda a stòp ku peska di bayena, pa garantisá ku su poblashon. a oumentá i asina evitá su ekstinshon.
Pero, e problema a sigui surgi i na 1986 e Komishon Internashonal di Bayena a prohibí totalmente kaptura komersial di bayena.
Sinembargo te ku awe, prinsipalmente Hapon ta viola e resolushon i ta e úniko pais ku abiertamente ta di nenga di stop ku kaptura di tantu bayena komo dolfein.
.png)
Comments