Djabèrnè último pa 19:00 or’ direktiva di Fundashon Alzheimer Bonaire a presentá den sala di konferensia di Piet Mondriaan na Courtyard by Marriott, un pelíkula mas ku ta “The Father” komo parti di su programa anual.
“The Father” ta un potrèt fasinante di un hòmber ku ta pèrdiendo su grip riba realidat. E interpretashon briante di Anthony Hopkins (THE SILENCE OF THE LAMBS, THE TWO POPES) no ta laga bo ningun momento lòs. Olivia Colman (THE CROWN, THE FAVOURITE) komo su yu Anne, ta laga sinti tantu su frustrashon komo su amor. E ta ekspresá su eksperensia ku su tata ku ta dementando.
Su tremendo aktuashon ta sòru pa Hopkins su di dos Oscar pa Mihó Aktor. Un sala yen ta konfirmá e interes grandi pa e pelíkula miéntras drektiva a invitá Dòkter Tessa Nooij, spesialista di grandi pa duna mas splikashon despues di e presentashon. Entrada tabata grátis.
Direktiva ta wak bèk riba un anochi di pelíkula eksitoso.
BròKèS 93.5 ………… Skuch’é!
.png)
Comments