ASINA BUNITA SAKSOFON POR ZONA - MUZIK TA KONEKTÁ TUR EDAT

Ora bo ta pensa riba muzik di saksofon, bo por imaginá muzik di jazz. 

Henk van Twillert, huntu ku Eugenio Silva i Victor Marçal

i nos mes Gaby Mercera, a pruebá ku esaki por ta otro.

Den Cançao do Mar di Ferrer Trindade nos a tende e bientu

i e ola i e meuchinan gritando, Hallelujah di Leonard Cohen a tuma un sonido hopi úniko. Bach nunka a tende su famoso Air riba e saksofon bariton,

pero kisas lo e por a pensa pa hasi’é asina,

espesialmente ku e akompañamentu di piano inspirador di Hans Faassen.

E kontribushon solo di Henk riba e saksofon bariton,

e ritmo refina ku Gaby Mercera a duna na e muzik,

tur a kontribuí na un anochi musikal hopi bunita.

E konsierto a kaba ku e kantikanan konosí pa Boneiru 'Abo So' i 'Atardi',

den kua e miembro di grupo di saksofon Boneiru a partisipá.

Na e manera aki, e konekshon a keda stablesé atrobe

entre muzikanten di leu i esnan di Boneiru i entre muzik di pasado i di awor.

Un konsierto bunita, organisá pa Classical Music Board Bonaire.

E mini konsiertonan ku e grupo a presentá na skol,

Cocari, Kas di Kuido i Hospice Kas Flamboyan a trese reakshonnan kaluroso.

Muzik ta konektá riba tur edat!