Ayera djasabra 4 mart 2023 a lanta un banda musikal nobo aki na Boneiru.
Motornan tras di e banda aki ku tin e nòmber Sabor Tropical ta tata ku yu Braafhart, tata Gregory (Grègo) i yu Gregory ‘Mcgr’. Komo kantante Gregory anteriormente entro otro
a forma parti Sason Boneriano ku despues a bira Son Boneriano.
Siendo inaktivo, pa basta tempu Grègo tabata kanando ku e deseo pa lanta un agrupashon. Huntu ku su yu, ya pa kasi dos aña nan a kuminsá hasi e preparashonnan nesesario, prinsipalmente kompra di instrumènt i ekipo di zonido.
Awor ta asina leu pa porfin Grègo realisá su soño o sea pa pone un banda musikal riba pia i e fin di siman aki a tene un enkuentro ku e músiko i kantantenan aserká,
i di kual tur a komprometé pa forma parti di Sabor Tropical. Por bisa ku ‘praktikamente’ tur e integrantenan ta músikonan ku a forma parti Sason Boneriano i òf Son Boneriano. Gregori konosí tambe komo ‘Mcgr' ta roadmanager Sabor Tropical.
Genero musikal di e repertorio di Sabor Tropical lo ta Son Montuno, Salsa, Bolero, Reflection i pa variashon Salsa Antiana, Merengue etc.
Sabor Tropical ta un nòmber ya konosí di un agrupashon musikal den kual
Gregory Braafhart a melitá meimei di añanan ochenta na Hulanda.
Nos mester menshoná ku kontrali na lokual hopi bes ta e kaso den nos farándula, lantamentu di e agrupashon musikal aki, anke ku preparashonnan a dura bastante, sigur esaki a bai ku bastante sekresia, paso pa paso, 'sin muchu beheit’, inkluso esaki no a alkansá publisidat.
E siman binidero ya Sabor Tropical ta bai inisiá ku ensayo, i ta planiá pa debutá dentro di dos luna. Por spera tambe ku ya den salida e agrupashon lo tin sigur dos kansion nobo.
Djaluna mainta den nos seshon informativo ‘ORARIO 9 pa 10’ na BròKèS 93.5 FM, nos lo trese e amplio kombersashon ku nos tabatin ku tata ku yu Braafhart.
BròKèS 93.5 FM ta e promé medio di komunikashon na kual ofisialmente
ta anunsiá lantamentu di Sabor Tropical.
Sabor Tropical ‘Sabri’é, Bail’é i Gos’é’
====================================
BròKèS 93.5 ………… Skuch’é!
.png)
Comments