BLACKOUT DEBÍ NA FAYONNAN TEKNIKO
Boneiru a eksperensiá dos blackout riba 24 di novèmber 2022. E blackout a surgi debí na problemanan ku e ekipo di sistema di transmishon den e sentral na Karpata.
Pa por hasi e investigashonnan nesesario, a kontratá un ekipo tékniko pa hasi investigashon ekstenso pa yega na e kousa di e insidente. E ekipo a keda formá pa ehekutivonan di Water – en EnergieBedrijf Bonaire (WEB),Contour Global Bonaire (CGB), su personal tékniko, huntu ku koleganan lokal i internashonal.
Na debido tempu lo kompartí e investigashon ku públiko en general.
Lokual a pasa:
15:03 p.m WEB a konfirmá fayo di e suministro di elektrisidat i a konfirmá un blackout.
4:30 p.m WEB a kuminsá gradualmente pa restourá e konekshonnan di koriente na vários área di Bonaire. E restourashon di un sistema despues di un blackout ta rekerí un sinkronisashon hopi kuidadoso di e liñanan di transmishon ku ya a keda re konektá, esaki por tuma vários ora.
Sinembargo debí na un problema tékniko inesperá ku a tuma lugá 7:00 p.m, a produsí un di dos blackout i mester a hasi un reinisio di e sistema pa un di dos biaha.
Pa 3:00 a.m CGB a eksperensia un di tres insidente ,un fayo den e sistema di generashon di energia ku a resultá den interupshon na algun área na Boneiru.
Desde awe djabièrnè 25 di Novèmber , e produkshon di energia na CGB lo sigui kritiko.
Lokual ta sosodiendo;
Den oranan di mainta ya a yega vários kolega internashonal i durante henter dia lo hasi investigashonnan . Tantu di e timnan lokal komo di e timnan internashonal ku a traha duru pa por a restourá e energia riba nos isla i nan lo sigui investigá i vigilá e stabilidat di e ret den dianan binidero.
WEB i CGB ta konsiente di e molèster ku e situashon aki a okashoná. E interupshon aki a afektá fanátikonan di futbòl ku a keda desepshoná ku nan no por a disfrutá di wega òf festividatnan.
Water – en EnergieBedrijf Bonaire (WEB),Contour Global Bonaire (CGB) ta pidi nan diskulpa pa e inkumbiniensia ku esaki por a trese kuné.
.png)
Comments