Manera nos a indiká den nos komunikado di prensa na komienso di luna aki, ku luna di mei ta luna di Krus Kòrá Boneiru. Nos a habri e luna dia 4 di mei poniendo un krans na e monumentu di nos heruenan ku a pèrde nan bida durante di segundo guera mundial. Dia 8 mei nos a selebrá dia mundial di Krus Kòrá ku nos miembro i boluntarionan. Nos a reuní na Plasa Wilhelmina pa despues kana bai na un restaurant den besindario I einan disfrutá di un sukulentu sena. Dia 14 mei riba dia di mama nos a anunsiá e mama di Krus Kòrá Boneiru 2023 den persona di Sra Rosa Marchena. Un miembro boluntario ehemplar di nos organisashon.
Den nos afan pa inspirá i motivá, nos a bishitá diferente medionan di kumunikashon pa asina hiba e mensahe pa komunidat pa inbolbí nan mes den aktividatnan ku ta trata di salba bida. Den kurso di dia i siman ku ta bini aki nos lo bishitá skolnan tambe pa hasi nos muchanan konsiente di trabounan ku Krus Kórà ta desplegá muldialmente.
Diadumingu awor 28 di mei for di 10 di mainta te ku 4or atardi nos tin un dia habrí kaminda komunidat por pasa na nos sede na Kaya Rafaela 7 na Antriol i sera konosí mas ku nos organisashon. Lo bai tin demostrashon di nos ekiponan i materialnan ku ta usa dunando asistensia durante kalamidat i desasternan natural. Tambe tin oportunidat pa registrá pa bira miembro boluntario i tambe por hasi donashon. Nos “triftshop” tambe lo ta habrí pa un i tur ku kier tira un bista wak kiko nos ta ofresé. Pues diadumingu awor bo tin un sita ku nos, nos ta wardabo.
BròKèS 93.5 ………… Skuch’é!
.png)
Comments