Djabièrnè 22 di mart e ekipo di dam hubenil di Boneiru a sali pa bai tuma parti den e kompetensia di dam di karibe na Trinidad. Esaki despues ku resientemente nan a demonstrá nan klase den e weganan eskolar interinsular 2024 na hermana isla Aruba
Den e kompetensia di dam di karibe na Trinidad, Boneiru lo konta ku partisipashon di dos mucha hòmber. Ta trata di e hóbennan Xi-Qion Frans di 12 aña i Xinglong Feng di 11 aña di edat ku a sali respektivamente 2do i 3er lugá den e weganan interinsular na Aruba.
E dos hóbenan ariba menshoná a biaha kompañá pa nan coach kende ta Chio Feng.
Chio Feng ta esun tambe ku huntu ku Norwin Lau a prepará e hóbenan p'e kompetensia.
Den kompetensia di dam di Karibe e biaha aki tin partisipashon di un total di 24 hóben, 14 mucha hòmber i 10 mucha muhé di Boneiru, Kòrsou, Surnam, Venezuela i Trinidad.
E mucha hòmbernan ta hunga 'swiss system' di shete rònt, kual ta nifiká ku kada un ta hunga shete wega. E torneo ta tumando lugá di djadumingu 24 pa djaweps 28 di mart.
.
Partisipashon di e hóbenan na e kompetensia, ta danki na Federashon di Dam Boneriano, Indebon ku ta sostené e totalmente e federashon i tambe mayornan di e hóbenan.
Federashon di Dam Boneriano i Indebon ta deseá e delegashon boneriano di dam tur klase di éksito den e torneo di dam hubenil di Karibe na Trinidad.
BròKèS 93.5 ………… Skuch’é!
.png)
Comments