Na Kòrsou ~ E di sinku Margaret Star, e rekonosmentu pa un hóben ambisioso a bai e aña aki, djabièrnè último durante di e di 21 Konferensia Anual di Liderasgo Femenino na Kòrsou pa Dr. Katherine Ruth Filesia.
Margaret Star ta un premio di estímulo pa un persona hóben di Karibe entre 18 i 35 aña, sea ta femenino òf maskulino. Esaki ta pa enkurashá i rekonosé un hóben ambisioso, ku gana di sa mas i ku ta preparando pa un futuro briante. Ku e rekonosementu aki e hóben ta haña di organisadónan un mèntòr pa durashon di un aña.
Dr. Katherine Ruth Filesia tin 33 aña i ta un hóben ambisioso i determiná. Ela nase na Kòrsou, studia na Ulanda kaminda el a kuminsá su karera profeshonal i resientemente el a regresá Kòrsou pa sigui ku su profeshon ku su título di dòktòr den Lei Notarial.
Su investigashon sientífiko a konsistí di un estudio di derechi komparabel di ‘trust’ (ingles) i ‘trust’ di Kòrsou i proposishon pa solushonnan práktiko pa mehorá i i introdusí ‘trust’ den lei ulandes.
Aworaki e ta un kandidato di notario, planifikadó di propiedat, notario remplasante outorisá i lektor na Universidat di Kòrsou.
E promé 4 ganadónan di e Margaret Star tabata na 2020 Leonsy ‘Eisy’ Curie, 2021 Rushently Rosalina, 2022 Stephan Simmon i na 2023 Sadora Jean Charles.
.png)
Comentarios