Fundashon Wega di Number Boneiru ku grato plaser ta anunsiá lanseo di e kampaña “Spread the Goodness” i na mes momentu introdukshon di e merkadeo nobo i fresku di Fundashon Wega di Number Boneiru.
Pa medio di e inisiativa aki e fundashon ta demonstrá kon e entrada generá pa medio di wega di number ta yuda duna sosten na diferente proyekto positivo na bienestar di nos komunidat. Entre otro ta duna sosten na proyektonan sosial, tim di deporte, proyektonan eskolar i desaroyonan den komunidat.E kampaña “Spread the Goodness” ta enfoká por kompletu riba un mihó Boneiru! Ku kada lòt ku bo kumpra bo tin chèns di gana premio i alabes bo ta yuda sostené nos komunidat. Djòin nos i eksperenshá e impakto positivo ku esak tin riba nos isla.
Fundashon Wega di Number Boneiru ta un orguyoso spònser di nos timnan lokal di deporte, i ta proveé e timnan ku e rekursonan nesesario pa por praktiká, partisipá na kompetensha i destaká den nan deporte.
Nos sosten komo spònser ta yuda elevá nos talentonan lokal i ta promové un manera di biba saludabel i aktivo den nos komunidat.Edukashon ta un gran pilar nesesario pa desaroyo di nos komunidat. E ganashi prosedente di Loteria di Boneiru ta yuda generá fondo pa proyektonan eskolar, i tambe rekursonan edukativo manera buki, p’asina sigurá ku kada hoben tin akseso na oportunidatnan pa logra éksito riba diferente area.
Merkadeo Nobo di Fundashon Wega di Number Boneiru
Ku e merkadeo nobo nos ta demonstrá nos kompromíso ku komunidat pa ta envolví, stimulá felisidat i krea un impakto positivo. E logo ku aspektunan fresku i e identidat visual ta simbolisá e karakterístikanan vibrante i diversifiká di Boneiru, kual ta fortifiká e mensahe ku kada lòt ku keda bendé lo kontribuí na bienestar di nos isla. Por tuma nota di kolónan mágiko plamá tur kaminda den e identidat nobo di e marka.
Ku sumo plaser nos ta lansa e kampaña “Spread the Goodness” i nos ta introdusí nos merkadeo nobo. E kampaña aki ta demonstrá nos kompromiso na komunidat pa duna bèk. Dor di sostené inisiativanan sosial, tim di deporte, edukashon i desaroyonan den komunidat, nos ta invertí den un futuro briante pa Boneiru. Nos ta invitá un i tur pa djòin nos den nos mishon pa kompartí bon i tá e diferensha.
Komo parti di e kampaña “Spread the Goodness” nos ke enkurashá komunidat pa kompartí nan mes eksperensha di un impakto positivo usando e hashtag
.png)
Comments