Gobiernu di Boneiru ta felisitá mayornan di promé beibi boneriano di aña 2023

E promé beibi di aña na Boneiru ta Ajmal Zahir Ishadai van de Werp Rosario Janga ku a nase den mardugá di 4 di yanüari pa eksaktamente 00:31 or. Awe mainta na nòmber di Gobiernu di Boneiru diputado Elvis Tjin Asjoe di Komunidat i Kuido personalmente a felisitá e mama Jazmin van de Werp Rosario i e tata Lisandro Fernando Janga ku nasementu di nan yu hòmber.

E diputado a trese un regalo chikitu pa e famia, ku ta konsistí di entre otro produkto pa kuido di beibi. Tambe el a bisa nan ku nan ta bai drenta un temporada hopi plasentero i ku sigur nan mester disfrutá di kada momentu.

=========================================== BròKèS 93.5 ………… Skuch’é! https://www.radio935bonaire.com http://radio.garden/listen/bro-ke-s-93-5-fm-boneiru/a1YG6S77 https://www.basilachill.com/#!radio/radiobrokes http://brokes935fm.radiostream123.com https://liveonlineradio.net/radio-brokes-935-Radio