E siman akí tin un oferta amplio di evento di baiskel pa mucha bou di e nòmber ‘Bonaire Bais Fiesta 2023’, di kua e instituto di deporte Indebon ta un ko-organisadó. Riba djaluna tin un klínika di baiskel na Rincon, banda di Stadion Antonio Trenidad. Mucha for di grupo 7 ta bon biní for di 16:00 or te 19:00 or pa partisipá na e evento. Partisipashon ta grátis i no ta nesesario pa inskribí.
Riba djamars tin un klínika banda di vèlt Rudy Boezem na Nort’i Saliña i riba djaweps na Sentro di Bario Amboina, tur dos ta tuma lugá for di 16:00 or te 19:00 or. E klínikanan ta trata di lès den abilidat di kore baiskel. Riba djabièrnè tin ‘soft opening’ di e Urban Park na Jong Bonaire, kaminda ta invitá tur mucha for di 15:00 or te 19:00 or pa un enkuentro festivo di baiskel pa tèst e parke.
Ta sera e siman riba djasabra ku un Funrace MTB na Yato Bako pa 16:00 or. Esaki ta un evento di baiskel pa grandi i chikí i e ta keda organisá den kolaborashon ku Bonaire Bicycle Club i Bonaire Xtreme. Durante e aktividatnan ta obligatorio pa bini ku un hèlm, relashoná ku siguridat. Ta pèrmití pa bini ku un propio baiskel, pero esaki no ta nesesario.
BròKèS 93.5 ………… Skuch’é!
.png)
Comments