Bon notisia pa tur hende ku ta kore riba Kaya Korona: e di dos fase di renobashon ta kla! For di djamars 21 di novèmber 2023 tur hende por hasi uso atrobe di e kaya akí.
Ta hasi e trabounan na Kaya Korona den tres parti. Awor akí a kaba ku e di dos fase. E último parti di e trabou, e di tres fase, ta kuminsá mas lat ku tabata planiá. E fase akí ta trata di Kaya Pikuditu te na e krusada di Kaya Korona, Kaya Caribe i Kaminda La Union.
Motibu pa e posponementu akí ta ku tin desaroyonan nobo relashoná ku e kaya akí. Durante e lunanan tras di lomba a traha plan nobo pa e área rònt di Kaya Korona. Pa e motibu akí Kolegio Ehekutivo i Direktorado di Planifikashon i Desaroyo ta wak promé kon por atendé mas mihó ku e kamindanan rònt di Kaya Korona. Den e lunanan binidero nos ta traha riba esaki. Te ora ku esaki ta kla, nos ta kuminsá ku e di tres fase.
Kiko esaki ta nifiká pa bo? Nos ta sòru pa Kaya Korona keda seif pa tur hende. Pa e motibu akí ya kaba nos a drecha e partinan mas malu di e kaminda, prinsipalmente entre Kaya Kabikuchi i krusada di Mentor. Danki na tur e reparashonnan akí bo por keda usa e kaminda normalmente.
Nos ke gradisí tur hende pa nan pasenshi i koperashon durante e trabounan. Nos ta tene boso na altura tokante progreso di e proyekto akí.
BròKèS 93.5 ………… Skuch’é!
.png)
Comments