Riba djamars 31 di òktober entre 5.30 or di atardi i 745 or di anochi Koninklijke Marechaussee a tene un kòntròl di tráfiko plania riba tereno di aeropuerto. E kòntròl tabata den kuadro di e seguridat di tráfiko na aeropuerto. Durante di e kòntròl a kontrolá un total di 10 vehíkulo. Di esaki nan dos a haña un prosèsferbal.
Un shofùr tabatin mucha den outo kuné ku no tabatin faha di seguridat bisti. Tampoko no tabatin un stul di mucha den e outo. Banda di esei e shofùr no por a mustra un reibeweis bálido. Pa e violashonnan aki el a haña un prosèsferbal.
Otro shofùr a haña un prosèsferbal komo ku e tabatin su telefòn selular den su man durante ku e tabata manehá i tambe komo ku e no por a mustra dokumentonan di seguro bálido durante di e kòntròl.
KMar ta tene tipo di kòntròlnan asin’aki regularmente riba tereno di aeropuerto pa asina aportá na e seguridat di tráfiko na aeropuerto pero tambe pafó di esaki.
BròKèS 93.5 ………… Skuch’é!
.png)
Comments