‘EU Global Action on Space’ den e último dianan a skohe Boneiru pa un konferensia tokante di e oportunidatnan ku e programa espasial Oropeo ta ofresé gobièrnu, kompania i organisashonnan den área Karibense i Amérika Latino.
E konferensia di dos dia a tuma lugá na Boneiru pa motibu ku na e momentunan aki ta traha riba konstrukshon di e stashon Galileo na Boneiru.
Galileo ta e sistema di nabegashon di satélite no-militar di Union Oropeo (EU).
Ademas di determinashon di durashon di tempu i lokalidat, Galileo por ta disponibel pa otro servisio. Por ehèmpel, definí tempu eksakto, yudansa di emergensia (buska i haña) i detekshon di sargassum i monitoreo di orkan.
.png)
Comments