Maduro & Curiel’s Bank Ku Jingle pa Dia di Rincon 2024, Produsí Pa Propio Empleadonan

Ku hopi orguyo Maduro & Curiel’s Bank ta kompartí un bunita ‘jingle’ i ku empleadonan di e banko mes a produsí pa e Dia di Rincon 2024.

Komo ku e aña aki Dia di Rincon ta selebrá 35 aniversario, empleadonan di Banko Maduro a bin ku e idea, pa komponé un ‘jingle’ pa konmemorá e aniversario.

Huntu e koleganan a skibi e letra, komponé e melodía, i tambe nan mes a kanta, toka i produsí e ‘jingle’. Tambe a produsí un bunita video pa kompañá e ‘jingle’.

E ‘jingle’ úniko aki, kreá kompletamente pa empleadonan di MCB, ta pasa na radionan di Boneiru durante henter luna di aprel.

Pronto por mira e video tambe riba entre otro retnan sosial.

Esaki ta e ekipo tras di e ‘jingle’.

Kompositor & Produktor; Jonah Coffie

Areglista; Almar Nicolaas

Bari/Wiri/Kuarta/Palito; Cliftenjohn Martines

Kitara; Mairon Weyman

Bas; Omar Janga

Kantante; Johnny Vlijt, Lucy Diaz, Almahir Nicolaas, Cliftenjohn Martines, Almar Nicolaas

Veronica Ustasia i Jonah Coffie.

MCB ta yama danki na su mes artistanan, i ta spera ku un i tur lo disfrutá di e ‘jingle’. Pabien Rincon i Felis Dia di Rincon.