Djaluna último Maduro & Curiel's Bank ku orguyo a anunsiá lansamentu di e tarheta Bankomatiko+ Mastercard dèbit, ku lo remplasá e tarheta Bankomatiko/Maestro aktual.
E tarheta Bankomatiko+ nobo ta trese mas di e mihó pa e usuario, ku diferente benefisio adishonal manera: Aseptashon mas amplio rònt mundu; e posibilidat pa hasi kompra online ku teknologia di ‘One Time Passcode’ (OTP); e usuario ta haña Fun Miles riba tur kompra lokal. Tambe tin un vershon di e tarheta Bankomatiko+ pa klientenan komersial.
Mas informashon, distinshon i karekterístika di e seri nobo di tarhetanan Bankomatiko+ ta disponibel riba wèpsait di MCB (mcbbonaire.com).
Medio sèptèmber, Maduro & Curiel's Bank lo inisiá distribushon di e tarheta Bankomatiko+, i ta projekta ku tur kliente lo risibi nan tarheta nobo den un periodo di 9 luna, sin importá e fecha ku nan tarheta di Bankomatiko/Maestro aktual ta kaduká.
Despues di risibí esaki, klientenan por aktivá e tarheta fásil i outomátikamente ku e promé uso di e tarheta ku e mesun PIN ku nan a kustumbrá kuné di nan tarheta aktual di Bankomatiko/Maestro.
"Danki na nos partnership eksitoso ku Mastercard i FunMiles nos por ofresé e produktonan ekselente di débito aki. Nos ta orguyoso di menshoná ku nos Bankomatiko+ Mastercard debit card ta e úniko tarheta di débito na Boneiru i den Karibe Hulandes ku e usario ta spar Fun Miles riba tur kompra lokal.
Na e okashon spesial aki i despues ku General Manager Card & Payment Solutions, Sr. Sigmar Mensing a presentá e tarhetanan Bankomatiko+ nobo, miembronan di gerensia, Sra. Suzannah Panneflek, Sra. Benita Wout i Sr. Leonard Domacassé, a hasi un donashon di US$ 5000,- na Stichting Nationale Parken.
E potrètnan ta duna un bista di e evento den kual MCB ta anunsiá lansamentu di su tarheta Bankomatiko+ Mastercard debit.
BròKèS 93.5 ………… Skuch’é!
.png)
Comentários