Notisia di polis di djárason 18 di òktober te ku djabièrnè 20 di òktober 2023

Detenshon

Den oranan di atardi riba djamars 10 di òktober Grupo di Tarea Spesial (Groep Bijzondere Opdrachten, GBO) a detené un hòmber di inisial E.A.J.B di 43 aña di edat na Kaya Orinoco. Esaki riba petishon di Ministerio Públiko di Limburg ku a duna òrdu pa detené e sospechoso i ekstradit’é pa Hulanda relashoná ku un kaso di atrako na sèptèmber di e aña aki.

Aksidente

Riba djárason 18 di òktober, alrededor di 1 or di mèrdia, un aksidente entre un outo i un skuter a tuma lugá riba Kaya Grandi. E shofùr di e skuter pa e motibu aki a resultá heridá. Ambulans a transportá shofùr di e skuter pa hòspital pa tratamentu médiko. Polis a sera kaya un ratu pa e servisionan konserní por a hasi nan trabou.

Detenshon pa maltrato

Den oranan trempan di anochi riba djárason 18 di òktober, ‘meldkamer’ sentral a risibí notifikashon di un kaso di maltrato na un kas na Kaminda Mexico. E sospechoso a dal un dama ku moketa na su kara. E víktima pa e motibu aki a resultá heridá i ambulans a transport’é pa hòspital pa tratamentu médiko. Na momentu ku e patruya a yega na e sitio, e sospechoso tabata mustra un komportashon hopi agresivo i no kier a duna oido na òrdu di polis. A detené e sospechoso, un hòmber di inisial S.V. di 34 aña di edat pa maltrato. Investigashon den e kaso ta sigui.

Detenshon pa maltrato ku arma

Riba djaweps 19 di òktober, alrededor di 9.30 or di anochi a detené un mucha hòmber di inisial C.C.D. di 14 aña di edat na Kaya Karpitan pa maltrato i maltrato ku un arma. E sospechoso a maltratá un hòmber ku un pipa di heru durante un diskushon. Tambe el a dal un otro hòmber ku moketa. Ta investigando e kaso.

Detenshon pa maltrato ku arma

Riba djaweps 19 di òktober, alrededor di 9.30 or di anochi a detené un mucha hòmber di inisial C.C.D. di 14 aña di edat na Kaya Karpitan pa maltrato i maltrato ku un arma. E sospechoso a maltratá un hòmber ku un pipa di heru durante un diskushon. Tambe el a dal un otro hòmber ku moketa. Ta investigando e kaso.

Detenshon pa ladronisia i malversashon

Riba djaweps 19 di òktober, alrededor di 10.15 or di anochi a detené un hòmber di inisial J.I.W. di 37 aña di edat na Kaya Sioux pa ladronisia i malversashon. Den oranan lat di anochi riba djasabra 14 di òktober, e sospechoso a bai ku un ‘loader’ sin outorisashon for di un tereno na Kaya Sirena. Ta investigando e kaso.

BròKèS 93.5 ………… Skuch’é!