Segun Arthur Sealy; Aña Konmemorashon di Sklabitut ta Kulminando, Sin Kasi Nada di Proyekto

Segun Arthur Sealy den su komunikado semanal, aña di konmemorashon di sklabitut ta yegando na su kulminashon dia promé di yüli 2024.

Te ainda, banda di e proyekto monumento ku fam di esnan ku a bira liber na yüli 1863  di Grupo di diálogo, no ta konosí ku tin mas proyekto.

E problema ta ku no ta hasi nada pa embolbí desendientenan di katibu.

No tin un komishon bou di guia di personanan independiente, no mará na ningun grupo ku ta traha riba herensia di sklabitut. Mester traha riba un agènda di investigashon,

un propio agènda ku nos bou di stürwil den koperashon a base di rèspèt i konfiansa  ku e mènedjer di programa sklabitut na Bonaire.

Grupo di diálogo no ta kansa di bisa ku su punto di salida ta e sitio di krímen unda tabatin sklabitut. Rei a bisa ku na Hulanda no tabatin sklabitut. Na Bonaire i e otro islanan tabatin esnan hasí katibu. Hendenan ku tabata liber den nan tribu na Afrika.

A saka nan for di nan famia, kultura, tradishon, religion, bida sosial i kita nan nòmber pa eksplotá nan komo produkto.

A deshumanisá nan. Te awe nos ku ta desendiente ta sinta efekto di esaki.

Un di e efektonan ku te ainda ta den nos ta ku nos no ta kere den nos mes bisando ku no tin profeshonal pa kumpli ku eksigensianan pa e konmemorashon. Nos ta kibrando nos mes manera a pasa den tempu di sklabitut.Bonaire tin hopi profeshonal, pero parse ku ta pa; flohera, ignoransia, negligensia, hamber pa sèn  òf gloria personal no ke embolbí nan.

Nos tin tantu hende muhé komo hende hòmber ku ta; sikólogo, sikiater, ingeniero, médiko, filósofo, arkitekto, músiko, artista, edukador, eskritor, ekonomista, hurista, trahadó sosial, deportista, entrenadó, lidernan religioso, sindikalista, empresario ku ta e semènt ku ta mara e blòkinan pa forma nos komunidat.

Ta un arkitekto boneriano a diseñá pa grupo di diálogo Bonaire e monumento ku fam di esnan ku a bira liber na yüli 1863.

BròKèS 93.5 ………… Skuch’é!