TA MUSTRA KU NA AÑA 2030 LO TIN 15% MAS HABITANTE HULANDA KARIBENSE
Pronóstiko:
Islanan di Hulanda Karibense (Boneiru, Sint Eustatius i Saba) na aña 2030 segun espektativa lo tin 31,8 mil habitante, 15% mas ku na 2022. Sigur mitar di e poblashon e ora ei, meskos ku na 2022, a nase na Hulanda Karibense òf na Aruba, Kòrsou òf Sint Maarten.
Na 2030 19% di e poblashon lo tin 65 aña di edat òf mas kompará ku 14% na 2022. Esaki ta sali for di sifra di poblashon i e pronóstiko di poblashon di CBS tokante Hulanda Karibense.
Mas aleu e pronóstiko ta mustra ku riba promé di yanüari 2022 tabatin 27,7 mil hende bibá na Hulanda Karibense, di kua mayoria lo ta bibá na Boneiru. Segun espektativa e kantidat di habitante ta krese mas tantu na Boneiru, meskos ku tabata e kaso for di 2011. Na 2030 segun e pronóstiko lo ta biba 16 porshento mas habitante na Boneiru ku na 2022. Na Sint Eustatius ta premirá un oumento di 10 porshento i na Saba di 9 porshento.
Den futuro mas habitante nase pafó di Reino Hulandes.
E sifranan di poblashon i e pronóstiko di poblashon di CBS tokante Hulanda Karibense, ta mustra tambe ku den futuro mas habitante ta esnan nasé pafó di Reino Hulandes.
Den e temporada entre 2018 i 2022, 55% di e habitantenan di Hulanda Karibense a nase ei òf na Aruba, Kòrsou òf Sint Maarten. Na 2030 segun espektativa esaki lo ta 53%. Mas o ménos 14% di e habitantenan entre 2018 i 2022 a nase na Hulanda Oropeo i 31% otro kaminda. Segun espektativa esaki lo bira respektivamente 13% i 34% na 2030.
Na Boneiru ta ferwagt e disminushon di mas grandi di e parti di habitante ku a nase na Karibe Hulandes, na Sint Eustatius un oumento chikí. Sigur 15% di e poblashon di Boneiru entre 2018 i 2022 a nase na Hulanda Oropeo, mas tantu ku na Sint Eustatius i Saba. Den futuro tambe ta ferwagt asina.
Saba e ora ei tin un parti mas grandi di habitante di pafó di Reino Hulandes, Boneiru e parti di mas chikí.
Hulanda Karibense ta enbehesé:
E sifra i e pronóstiko di poblashon di CBS ta indiká tambe ku na aña 2022, 14% di e poblashon na Hulanda Karibense tabatin 65 aña òf tabata mas bieu. Na 2011 ainda esaki tabata 9%. Segun espektativa e parti di hende mas grandi di edat ta oumentá te 19% na 2030.
Na 2022 Saba tabata e isla ku mas hende enbehesé, aki 16% di e poblashon tabatin 65 aña òf mas.
Sint Eustatius tabatin e di mas tiki hende enbehesé (13%). Pa 2030 ta ferwagt ku Boneiru lo ta e di mas enbehesé (19% di e poblashon 65 aña òf mas bieu) i Sint Eustatius atrobe esun di mas tiki (16%).
Por último e pronóstiko di poblashon di CBS tokante Hulanda Karibense ta papia di e mas probabel desaroyo i e insiguridatnan.
E desaroyonan mas probabel i e insiguridatnan;
Pa por kalkulá e futuro desaroyo di e poblashon di Hulanda Karibense, CBS ta usa un modelo di simulashon, kaminda suposishon tokante nasementu, morto, inmigrashon i emigrashon den futuro ta sirbi komo base. Espesialmente e migrashon strañero, e komponente di mas grandi di e desaroyo di poblashon na e tres islanan, konosé un transkurso inkonstante. P’esei e desaroyo berdadero segun tur probabilidat lo desviá di e prognósis i e sifranan di prognósis ta rondoná ku insiguridat.
The Caribbean Netherlands in numbers 2022
Pareu ku e notisia aki tambe ta sali e edishon nobo di The Caribbean Netherlands in numbers 2022. Den
The Caribbean Netherlands in numbers (Sifra di Hulanda Karibense) tin e sifranan di mas importante den e área ekonómiko i sosial tokante e sosiedat hulandes karibense. Desena di tópiko, potrèt, gráfika i inphografics ta ofresé e lesadó un bunita bista di e situashon aktual na e islanan. Por haña e publikashon online komo longread i imprimí na un edishon chikí komo ‘hard copy’.
===========================================
BròKèS 93.5 ………… Skuch’é!
.png)
Comments