Den kuadro di 15 aña di eksistensha di e skol di mekániko di avion, AMTS Bonaire, nos ta preparando pa tene un dia habri pa pueblo di Boneiru sera konosí ku e estudio i lokual e ta brinda. Na merka nan a proklamá dia 24 di mei, dia di Mekániko di Avion. E plan ta pa AMTS Bonaire su dia habri kai riba e fecha ei den 2024. Tambe riba e fecha ei nos lo lansa e kampaña ofishal pa merkadiá den karibe. Nos tabatá hasi mantenshon riba avion aki na Boneiru kaba. Riba e pòtrèt aki banda nos ta inspekshonando un motor durante di kambio di motor riba ATR-42 di DAE, den añanan 2005-2006.
E POSISHON DI MEKANIKO DI AVION NA MUNDU. E eksigenshanan pa bira un mekániko di avion ta basta stringente, mirando e echo ku ta papiando di bida di hende ora ku algu bai robes. Fuera di lokual ku mayoria hende a kere, tin mester di hopi mekániko di avion rònt mundu, despues di e pandemia di Covid. Pa por komprondé e posishon di e mekániko di avion den mundu, bo mester sa e kateristikánan di e persona aki ku tin ku resaltá. Mayoria bes e persona aki tin hopi atenshon pa su famia, e ta manipulá strès bon i semper ta trankilo i konsentrá. E gusta biaha pasombra unda ku mand’é bai drecha avion òf bai un training e ta bai. Dus dor di su trabou, e mekániko di avion konosé mundu i su kulturanan. Responsabilidat i traha den grupo ta haltu riba su lista.
SKOL DI MEKANIKO DI AVION NA BONAIRE.
Ta obvio ku eksepertonan den enseña i merkado laboral lo no haña ku tin nesesidat pa krea mekaniko na Bonaire. Pero manera nos a spliká previamente riba e plataforma mundial tin mester di mekaniko di avion. Aki nos ke para ketu un ratu, nos a splika ku e mekániko di avion ta sinti su mes komodó den mundu, ehersiendo su trabou. Dus un persona ku atende na un skol di mekániko espeshalmente riba nos islanan chikitu, obviamente ta wak e plachi mundial. Esmas, ta oblikashon di e skol pa apoyá i dirigí e persona den e direkshon ei.
MEKANIKO DI AVION DEN REINO HULANDES
Bonaire ta part di Hulanda. Pa esun ku kier, nan por wak riba internet kuantu avion tin na hulanda. Hasta por wak si tin nesesidat di mekániko òf nò. No ta kai bou di nos kompetensha pa bai den detayes riba e tópiko ei. Ta keda un echo si, ku mester di mekániko di avion na Hulanda. Nos kier enfatisá tambe; ku Boneiru ta parti di Hulanda, dus tin trabou pa e mekániko di avion. Esmas si tuma reino na kuenta, na e otro islanan tambe tin kompanianan di aviashon. Un investigashon chikitu a mustra ku den reino hopi mekániko di avion ta serka di baha ku penshon. Esei lo hasi e nesesidat mas haltu.
Keda pendiente pa mas informashon, “ken ta e mekánko di avion”:
Jacinto Frans,
Aviation Maintenance technician School, Bonaire.
+ 599 796 4813
BròKèS 93.5 ………… Skuch’é!
.png)
Comments