Djasabra 30 di mart 2024, Tirabon a tene un kompetensia di e deporte di tiru den kuadro di e segundo edishon di “Bonaire international sport week” organisá pa INDEBON.
Vice-presidente di Tirabon, Peter Silberie a hiba palabra na unda entre otro el a bisa ku despues di kambio estatal (10-10-10) a bini algun kontratempu, ku a pone ku Tirabon no por a sigui tene e deporte di tiru aktivo na Bonaire debí ku a kita e pèrmit di arma.
Pero ku hopi lucha a logra keda kla ku tur e eksigensianan legal, esaki ku tremendo koperashon di Kuerpo Polisial, Gabinete di Gezaghebber i Minister di Seguridat i Hustisia.
Durante e parti ofisial den forma di sorpresa, direktiva di Tirabon a honrá Peter Silberie komo persona di mas tantu aña aktivo den Tirabon. Den e kuadro aki, el a risibí un plakat di mérito for di e tesorero, señor Eric Soleana.
.png)
Comments