UNICEF Hulanda ta lansa mini-dokumentarionan, den kua kuater famia boneriano ta keda dokumentá ora nan ta pasa nan tempu huntu komo famia na nan manera mas faboritu i nan ta share esaki ku otronan.
Ta lansa e mini-dokumentarionan den e simannan benidero i ta suprayá e importansia pa mayor, mayor di kriansa i famia pa hunga wega ku e muchanan. Dor di trese esaki bou di interes di otronan e organisashon di derechinan di mucha ke demostrá ku hungamentu di weganan ta un parti esensial den e desaroyo di e mucha.
Momentunan chikí di quality time/ ‘tempu di kalidat’ lo yega na mas konfiansa den e muchanan den futuro i e lo stimulá muchanan p desaroyá nan mes talentonan úniko.
Gòbièrnu di Boneiru i Rijksdienst Caribisch Nederland (RCN) ta kompartí i sostené e kampaña di UNICEF Hulanda for di e organisashonnan di yudansa ku ta traha huntu “tei p’abo”.
Pa e mini-dokumentarionan e profeshonal kontadó di kuenta i kreadó di teater for di Kòrsou, Archell Thompson ta bai huntu ku 9 famia for di Boneiru, Statia i Saba durante nan okupashon faborito.
E famianan ta laga Archell mira ku e momentunan mas bunita nos por eksperenshá den nos propio kas, den hardin patras di kas òf den bario.
‘Ten’é simpel, no pensa largu tokante dje’, un mayor ta bisa. Un di e muchanan ta bisa: ‘Esaki ta mi aktividat faborito’, miéntras e ta duna su tata un brasa fuerte.
E transmishon di tradishonnan familiar tambe ta bini bèk regularmente den e dokumentarionan: ‘Ora nan bira grandi, nan lo keda kòrda e rekuerdonan akí pa semper i nan lo krea rekuerdonan nobo huntu ku nan famia.’
E importansia di pasa tempu huntu ku famia e aña akí ta wòrdu skohé komo tema pa UNICEF Hulanda.
E mini-dokumentarionan ta forma parti di e kampaña: Dia Mundial di Wega (World Day of Play), ku a start dia 28 di mei e aña aki. Un dia riba kua mayornan, skolnan, asosiashonnan i komunidatnan eklesiástiko a ser stimulá pa organisá aktividatnan plasentero pa mucha.
Den febrüari 2023 e kampaña lo sera ku un presentashon di teatro interaktivo, kaminda mayor i mayor di kriansa, bou di guia di Sr. Archell Thompson, lo haña e oportunidat pa huntu ku nan yunan forma parti di e presentashon.
Kolaborashon
Nan ta share e mini-dokumentarionan riba diferente medionan sosial, riba e Facebook página di UNICEF Dutch Caribbean, YouTube i e website di UNICEF Nederland.
E kampaña ta un kolaborashon entre UNICEF Ulanda, Rijksdienst Caribisch Nederland i Gòbièrnunan di Boneiru, Saba i Sint Eustatius i e ta forma parti di e programa di BES di UNICEF, ku a bira posibel dor di ministerio di Asuntunan Interior i Relashonnan di Reino.
Link di un di nos videonan: https://www.youtube.com/watch?v=61tJBOZtncc
===========================================
BròKèS 93.5 ………… Skuch’é!
.png)
Comentários