UNKOBON ta pidi klaridat di tur partido polítiko lokal

Ya pa años pobresa pa mas ku 40% di poblashon di Boneiru ta e problema di mas grandi. Apesar di esaki tòg gobiernu hulandes ta pretendé ku polítika lokal no ta duna sufisiente señal ku mester fiha un minimo soshal real, mas lihé posibel.

Boneiru por duna awó un señal serio ku nos no ta sigui soportá e situashon aki mas. Partidonan polítiko lokal por duna di konosé, den e elekhon benidero, nan posishon ora ta trata pobresa i seguridat di eksistensha i tambe ku nan lo sali pa e habitantenan vulnerabel di Boneiru. E votadónan kier sa esaki.

Pa e motibu ei Unkobon a dirihí dos siman pasá un karta na tur lider di e partidonan polítiko lokal, ku ta bai partisipá na e elekshon próksimo, ku e petishon pa kontestá dentro di dos siman e siguiente dos pregunta:

1. Bo partido tambe ta di opinion ku riba un término kòrtiku mester fiha un minimo soshal pa e habitantenan di Boneiru di kual por kubri e gastunan minimo di kosto di bida? Si / No

2. Bo partido ta apoyá UNKOBON polítikamente den e kaso hudisial kontra estado Hulandes pa fiha un minimo soshal real?

Si / No

Unkobon tin intenshon pa publiká e kontesta i remarkenan di e partidonan polítiko otro siman.

===========================================

BròKèS 93.5 ………… Skuch’é!