Hóbennan di VWO 4 huntu ku nan mentor ta trahando riba proyektonan pa generá fondo pa nan biahe di estudio den 2025 pa Hulanda.
Den e kuadro aki nan ta òrganisá diferente aktividat pa optené fondo.
Djasabra awor promé di yűni e hobennan di VWO 4 den koperashon ku klup di ahedres BJSC i Dambond di Boneiru ta organisá e.o. torneo di ahedres i dam pa diferente edat for di 9or di mainta te ku 1or di mèrdia.
Lo tin tres grupo pa hubenil; 6 pa 9 aña, 10 pa 12 aña i 13 pa 18 aña.
Den e kategorianan hubenil e hóbennan ta paga $ 5.= pa inskripshon i ainda tin posiblidat pa inskribí te ku djasabra mainta promé ku e torneo start.
Tambe ainda por hasi uso di e QRcode te ku djabièrnè.
Djasabra tra’i mèrdia lo tin torneo di DAM i Ahedres ‘seshon habrí’ 18 plùs.
Den e seshon habrí, e inskripshon ta $15.=. E weganan di ahedres lo ta 15 minüt pa banda. Manera ku e torneonan kaba lo tin entrega di premio.
Banda di ahedres i dam tin diferente aktividat riba e kanchanan di Liseo Boneriano i tambe un kompetensia di Sudoku, i pa kompetí e kontribushon ta $10.= pa un duo!
Tambe tin mas aktividat pa henter famia ku premio, un sorto di feria!
Kiermèn ta un dia pa hentér famia. Tin kos di kome i bebe. Bini unu bini tur, bin gosa di e weganan, hungando ahedres, dam i sudoku yuda ku un bon kousa.
Kòrda ku e hobennan aki ta nos mandatarionan di futuro. Ban yuda nan!!
Éksito na tur partisipante i organisadónan!
.png)
Comments